koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

KHud ko masroof ki.e rakhne kii koshish karna kya teri yaad ke zumre men nahin aata hai

kisi ke sard ravayye pe KHaamushi ka lihaaf ye intiqaam bhi kya intiqaam hota hai

us kii fitrat men na tha tark-e-t'aalluq lekin doosre shakhs ko is nahj pe pahuncha dena

tum agar seekhna chaaho mujhe batla dena aam sa fan to koi hai nahin tohfa dena

main aisi umr se dukh jhelne laga 'jawwad' jo aam taur pe hoti hai khelne ke waali