tareekiyo ko aag lage aur diya jale ye raat bein karti rahe aur diya jale us ki zabaan men itnaa asar hai ki nisf shab vo raushni ki baat kare aur diya jale

raam kathaa men jaane waale laakhon log raam ke jaisa banne vaala ek nahin

laakhon sad men dheron gham phir bhi nahin hain aañkhen nam ik muddat se roye nahin kya patthar ke ho ga.e ham

munaafiq doston se laakh behtar hain KHuda dushman ki gaddaari nawaabon se hukoomat cheen letii hai

ab hawaaein hi karengi raushni ka faisla jis diye men jaan hogii vo diya rah jaayega

ye vajood-e-ishq tujh ko rab mitaana hi padega husn ke haathon vafaa hota hai rusva dekh har pal

mere haal par sab uchhal kar ye bole tumhein ishq aur ye mohabbat mubarak

mere ishq ka qatl kar KHush hai saahil yahii thii tere dil kii hasrat mubarak

laakh do ishq-o-wafaa aur qasmen vaadon kii duhaai raigaan hai be-vafa ko karne ho jab be-vafaaii phir kahaan sunte kisi kii

saahil jo tere ishq men laaya na zabaan par seene men sawaalon kii vahii aag hai ab tak