kya khabar kaun tha vo aur meraa kya lagta tha jisse milkar mujhe har shaKHs bura lagta tha

KHud se bhi mil na sako itne paas mat hona ishq to karna magar devdaas mat hona dekhna chaahna phir maangna ya kho dena ye saare khel hain in men udaas mat hona

dil na-umeed to nahin naakaam hi to hai lambi hai gham ki shaam magar shaam hi to hai

zameen pe ghar banaya hai magar jannat men rahte hain hamaari khush-naseebi hai ki ham bharat men rahte hain

nahin lagega use dekh kar magar KHush hai main KHush nahin hooñ magar dekh kar lagega nahin

charaasaazo mira ilaaj karo aaj kuchh dard men kamii si hai

vo bhi aaKHir tiri taa'riif men hi kharch hua main ne jo vaqt nikala tha shikaayat ke li.e

khoobsurat hai sirf baahar se ye imarat bhi aadmi si hai

main to muddat se ghair-haazir hooñ bas meraa naam hai register men yaad karti hain tujhko deewarein shakl ubhar aayi hai plaster men

fareb de ke use jeetna gawara nahin agar vo dil se hamaara nahin hamaara nahin