ham vo hain jo KHuda ko bhool ga.e tum meri jaan kis gumaan men ho

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

dhoop men niklo ghataon men naha kar dekho zindagi kya hai kitaabon ko hata kar dekho

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

jis din mirii jabeen kisi dahleez par jhukeus din KHuda shigaaf mire sar men daal de

ye daadhiyaan ye tilakdhaariyaan nahin chaltiin hamaare ahd men makkaariyaan nahin chaltiin qabeele waalon ke dil jodiye mere sardaar saroon ko kaat ke sardaariyaan nahin chaltiin

maa ki aaghosh men kal maut ki aaghosh men aaj ham ko duniya men ye do vaqt suhaane se mile

aag ka kya hai pal do pal men lagti hai bujhte bujhte ek zamaana lagta hai

thoda sa aks chaand ke paikar men daal de tu aa ke jaan raat ke manzar men daal de