hazaaron saal nargis apni be-noori pe roti hai badi mushkil se hota hai chaman men deeda-war paida

us ke khat raat bhar yuñ padhta hooñ jaise kal imtihaan ho meraa

kuchh din se zindagi mujhe pahchaanti nahin yuñ dekhti hai jaise mujhe jaanti nahin

rahne ko sadaa dehr men aata nahin koi tum jaise ga.e aise bhi jaata nahin koi

umr guzri hai maanjte KHud ko saaf hain par chamak nahin paa.e daal ne phool ki tarah paala khaar the na mahak nahin paa.e

makaan hai qabr jise log KHud banaate hain main apne ghar men hooñ ya main kisi mazaar men hooñ

mohabbat ab nahin hogii ye kuchh din baad men hogii guzar jaayenge jab ye din ye un kii yaad men hogii

gham kii baarish ne bhi tere naqsh ko dhoya nahin tune mujh ko kho diya maine tujhe khoya nahin

ham bhi muneer ab duniyaadaari kar ke vaqt guzaarenge hote hote jeene ke bhi laakh bahaane aa jaate hain

vaqt kis tezi se guzra roz-marra men muneer aaj kal hota gaya aur din hawa hote ga.e