log sunkar waah-waahi karte hain har baar hi roz hi rota hooñ ab to main kisi sur-taal men

ab ha men dekh ke lagta to nahin hai lekin ham kabhi uske pasandeeda hua karte the

nigaahon ke taqaze chain se marne nahin dete yahaañ manzar hi aise hain ki dil bharne nahin dete humeen un se umeedein aasmaañ choone ki karte hain humeen bacchon ko apne faisley karne nahin dete

khushboo ki barsaat nahin kar paate hain ham KHud hi shuruaat nahin kar paate hain jis ladki ki baatein karte hain sabseus ladki se baat nahin kar paate hain

chehra dhundla sa tha aur sunhare jhumke the baadal ne kaanon men chaand ke tukde pahne the ik dooje ko khone se ham itnaa darte the ghussa bhi hote to baatein karte rahte the

unhin ke faiz se bazaar-e-aql raushan hai jo gaah gaah junoon ikhtiyaar karte rahe

zindagi kya kisi mufalis ki qaba hai jis men har ghadi dard ke paivand lage jaate hain

ye daagh daagh ujaala ye shab-gazeeda sehar vo intizaar tha jis ka ye vo sehar to nahin

ye aarzoo bhi badi cheez hai magar hamdam visaal-e-yaar faqat aarzoo ki baat nahin

ham shaikh na lider na musahib na sahafi jo KHud nahin karte vo hidaayat na karenge