tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

use kisi se mohabbat thii aur vo main nahin tha ye baat mujhse zyaada use rulaati thii

paron ko khol zamaana udaan dekhta hai zameen pe baith ke kya aasmaan dekhta hai

vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

gulaab KHvaab davaa zahar jaam kya kya hai main aa gaya hooñ bataa intizaam kya kya hai

vo khaar khaar hai shaakh-e-gulaab kii maanind main zakhm zakhm hooñ phir bhi gale lagaaun use

ab zameen par koi gautam na mohammad na maseeh aasmaanon se naye log utaare jaayen

faraaz tark-e-taalluq to KHair kya hogaa yahii bahut hai ki kam kam mila karo us se

do ghadi us se raho door to yuñ lagta hai jis tarah saaya-e-deewar se deewaar juda

umr bhar kaun nibhaata hai taalluq itnaa ai meri jaan ke dushman tujhe allah rakhe