ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

nahin lagega use dekh kar magar KHush hai main KHush nahin hooñ magar dekh kar lagega nahin

kitne aish se rahte honge kitne itraate honge jaane kaise log vo honge jo us ko bhaate honge

ab main saare jahaan men hooñ badnaam ab bhi tum mujh...ko jaanti ho kya

guzishta saal ke zakhamo hare-bhare rahna juloos ab ke baras bhi yahiin se niklega

vo chahta tha ki kaasa khareed le meraa main us ke taaj ki qeemat laga ke laut aaya

maa ke qadmon ke nishaan hain ki diye raushan hain gaur se dekh yahiin par kahiin jannat hogii

na hum-safar na kisi hum-nasheen se niklega hamaare paanv ka kaanta humeen se niklega

us ki yaad aayi hai saanso zaraa aahista chalo dhadkano se bhi ibadat men khalal padta hai