use kisi se mohabbat thii aur vo main nahin tha ye baat mujhse zyaada use rulaati thii

hamaare baad tere ishq men naye ladke badan to choomenge zulfen nahin sanvaarenge

tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

shaayad mujhe kisi se mohabbat nahin hui lekin yaqeen sab ko dilaata raha hooñ main

raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

vo chahta tha ki kaasa khareed le meraa main us ke taaj ki qeemat laga ke laut aaya

main vo dariyaa hooñ ki har boond bhanwar hai jis kii tumne achha hi kiya mujh se kinaara kar ke

main ahmiyat bhi samajhta hooñ qahqahon kii magar mazaa kuchh apna alag hai udaas hone ka

suraj se jang jeetne nikle the bewaqoof saare sipaahi mom ke the ghul ke aa ga.e

ab to har haath ka patthar ha men pahchaanta hai umr guzri hai tere shahar men aate jaate