gulaab KHvaab davaa zahar jaam kya kya hai main aa gaya hooñ bataa intizaam kya kya hai

vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

maana ki teri deed ke qaabil nahin hooñ main tu miraa shauq dekh miraa intizaar dekh

use kisi se mohabbat thii aur vo main nahin tha ye baat mujhse zyaada use rulaati thii

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

ye jo duniya hai ise itni ijaazat kab hai ham pe apni hi kisi baat ka ghussa utara

ye jo ham takhleeq-e-jahaan-e-nau men lage hain paagal hain door se ham ko dekhne waale haath bata ham logon ka

ye imtiyaaz zaroori hai ab ibadat men vahii dua jo nazar kar rahi hai lab bhi karen

safar ke baad bhi zauq-e-safar na rah jaa.e khayal o KHvaab men ab ke bhi ghar na rah jaa.e

paa e ummeed pa rakhe hue sar hain ham log hain na hone ke barabar hi magar hain ham log tu ne barta hi nahin theek se ham ko ai dost aib lagte hain bazaahir pa hunar hain ham log