main agar apni jawaani ke suna doon qisse ye jo launde hain mere paanv dabane lag jaa.e

sabhi ka KHoon hai shaamil yahaañ ki miTTi men kisi ke baap ka hindustan thodii hai

jo duniya ko sunaai de use kahte hain khaamoshi jo aankhoñ men dikhaai de use toofaan kahte hain

tumhaare baad ye dukh bhi to sahna pad raha hai kisi ke saath majboori men rahna pad raha hai

itni milti hai mirii ghazalon se soorat teri log tujh ko mira mahboob samjhte honge

sehar ki aas lagaaye hue hain vo ki jinhen kamaan ae shab se chale teer ki khabar bhi nahin

ye jo ham takhleeq-e-jahaan-e-nau men lage hain paagal hain door se ham ko dekhne waale haath bata ham logon ka

ye imtiyaaz zaroori hai ab ibadat men vahii dua jo nazar kar rahi hai lab bhi karen

safar ke baad bhi zauq-e-safar na rah jaa.e khayal o KHvaab men ab ke bhi ghar na rah jaa.e

chalte hue mujh men kahii thehra hua tu hai rastaa nahin manzil nahin achha hua tu hai