ham vo hain jo KHuda ko bhool ga.e tum meri jaan kis gumaan men ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

ye alag baat ki KHaamosh khade rahte hain phir bhi jo log bade hain vo bade rahte hain

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

ye jo duniya hai ise itni ijaazat kab hai ham pe apni hi kisi baat ka ghussa utara

shab bhar ik awaaz banaai subh hui to cheekh pade roz ka ik maamool hai ab to khwaab-zada ham logon ka

ye jo ham takhleeq-e-jahaan-e-nau men lage hain paagal hain door se ham ko dekhne waale haath bata ham logon ka

ye aag vaag ka dariyaa to khel tha hamko jo sach kahein to badaa imtihaan aañsu hain

teri aankhoñ ke li.e itni saza kaafi hai aaj ki raat mujhe KHvaab men rota hua dekh