chaan dii sona ek taraf teraa hona ek taraf ek taraf teri aañkhen jaadu toona ek taraf

khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

meraa armaan meri KHvaahish nahin hai ye duniya meri basaaoge nahin hai main tere KHvaab waapas kar raha hooñ meri aankhoñ men gunjaish nahin hai

bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

main kya bataaun vo kitna qareeb hai mere meraa khayal bhi us..ko sunaai deta hai vo jisne aankh ata ki hai dekhne ke li.e usii ko chhod ke sab kuchh dikhaai deta hai

ye jo ham takhleeq-e-jahaan-e-nau men lage hain paagal hain door se ham ko dekhne waale haath bata ham logon ka

ye aag vaag ka dariyaa to khel tha hamko jo sach kahein to badaa imtihaan aañsu hain

ye jo duniya hai ise itni ijaazat kab hai ham pe apni hi kisi baat ka ghussa utara

sehar ki aas lagaaye hue hain vo ki jinhen kamaan ae shab se chale teer ki khabar bhi nahin

shab bhar ik awaaz banaai subh hui to cheekh pade roz ka ik maamool hai ab to khwaab-zada ham logon ka