mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

isee se jaan gaya main ki bakht dhalne lage main thak ke chaanv men baitha to ped chalne lage main de raha tha sahaare to ik hujoom men tha jo gir pada to sabhi raasta badlne lage

teri gali ko chhod ke paagal nahin gaya rassi to jal gaii hai magar bal nahin gaya majnoon ki tarah chhodaa nahin main ne shahar ko ya'ni main hijr kaatne jungle nahin gaya

gham aur khushi men farq na mehsoos ho jahaan main dil ko us maqaam pe laata chala gaya

muddaton baad ik shaKHs se milne ke li.e aaina dekha gaya baal sanwaare ga.e

hamaare aage tira jab kisoo ne naam liya dil-e-sitm-zada ko ham ne thaam thaam liya

iqaar men kahaan hai inkaar kii sii khoobi hota hai shauq ghalib us kii nahin nahin par

shaam se kuchh bujha sa rehta hooñ dil hua hai charaaghh muflis ka

mere sang-e-mazaar par farhaad rakh ke tesha kahe hai ya ustaad

vasl men rang ud gaya meraa kya judaai ko munh dikhaaunga