tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ham vo hain jo KHuda ko bhool ga.e tum meri jaan kis gumaan men ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaam se kuchh bujha sa rehta hooñ dil hua hai charaaghh muflis ka

ishq ik meer bhari patthar hai kab ye tujh na-tawan se uthata hai

na rakho kaan nazm-e-shairan-e-haal par itne chalo tuk meer ko sunne ki moti se piroota hai

dil vo nagar nahin ki phir aabaad ho sake pachtayoge suno ho ye bastii ujaad kar

phool gul shams-o-qamar saare hi the par ha men un men tumhiin bhaaye bahut