tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham vo hain jo KHuda ko bhool ga.e tum meri jaan kis gumaan men ho

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

shaam se kuchh bujha sa rehta hooñ dil hua hai charaaghh muflis ka

na rakho kaan nazm-e-shairan-e-haal par itne chalo tuk meer ko sunne ki moti se piroota hai

meer ke deen-o-mazhab ko ab poochte kya ho un ne to qashka kheecha dair men baitha kab ka tark islaam kiya

mere sang-e-mazaar par farhaad rakh ke tesha kahe hai ya ustaad

us ke farogh-e-husn se jhamke hai sab men noor sham-e-haram ho ya ho diya somnaat ka