koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

apni duniya bhi chal pade shaayad ik ruka faisla kiya jaa.e

kyun zaroori hai kisi ke peechhe peechhe ham chalen jab safar apna hai to apni ravaani chahiye

meri mujhse nibh to sakti thii magar koi tha jo darmiyaañ aata raha

patthar pahle KHud ko patthar karta hai uske baad hi kuchh kaarigar karta hai

asl men paaya hi daanish tab use jab use khone ka dar jaata raha