bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ye alag baat ki KHaamosh khade rahte hain phir bhi jo log bade hain vo bade rahte hain

teri soorat se hai aalam men bahaaron ko sabaat teri aankhoñ ke siva duniya men rakha kya hai

main chahta tha mujhse bichhad kar vo KHush rahe lekin vo KHush hua to badaa dukh hua mujhe

is tarah rote hain ham yaad tujhe karte hue jaise tu hota to seene se laga leta ha men

ik awwal darje ka paak ik maahir hai man to tujh men ramta hai dil kaafir fir hai apni socho qatl tumhein karna bhi hai bande ka to kya hai banda haazir hai

tooti cheezon ko badal den tha behtar varna tu jo chahta to dobara banaa leta ha men is tarah rote hain yaad karte hue ham tujhe jaise tu hota to seene se laga leta ha men

yuñ be-tarteeb zaKHmon ne bataaya raaz qaatil ka saleeke se jo meraa qatl gar hota to kya hota

baghair chash men ke jo dekh bhi na paata hai vo bewaqoof mujhe dekhna sikhaata hai agar ye waqt duboyega meri naav ko to isse kah do mujhe tairna bhi aata hai

mujhe andhere se baat karne hai so kara do diya bujha do kuchh ek lamhon ko raushni ka gala daba do diya bujha do riwaaz-e-mehfil nibha raha hooñ bataa raha hooñ main ja raha hooñ mujhe vida do jo rona chahe unhen bula do diya bujha do