apne samaan ko baandhe hue is soch men hooñ jo kahii ke nahin rahte vo kahaan jaate hain

ik roz khel khel men ham us ke ho ga.e aur phir tamaam umr kisi ke nahin hue

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen

teri nigaah-e-naaz se chhoote hue darakht mar jaayen kya karen bataa sukhe hue darakht hairat hai ped neem ke dene lage hain aam pagla ga.e hain aapke choo men hue darakht

aaj ik aur baras beet gaya us ke baghair jis ke hote hue hote the zamaane mere

na pooch haal mira chob-e-khushk-e-sehra hooñ laga ke aag mujhe kaarwaan ravana hua

uth gaii hain saamne se kaisi kaisi sooraten roiyie kis ke li.e kis kis ka maatam keejie

be-ginati bose lenge rukh-e-dil-pasand ke aashiq tire parhe nahin ilm-e-hisaab ko

kuchh nazar aata nahin us ke tasavvur ke siva hasrat-e-deedaar ne aankhoñ ko andha kar diya