koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

ye alag baat ki KHaamosh khade rahte hain phir bhi jo log bade hain vo bade rahte hain

sochun to saari umr mohabbat men kat gaii dekhooñ to ek shaKHs bhi meraa nahin hua

shaakhon se toot jaayen vo patte nahin hain ham aandhi se koi kah de ki auqaat men rahe

use to daulat-e-duniya bhi kam bhi paane ko miri to zaat ka mizaan bhi ziyaada nahin

dil bhi ajeeb khaana-e-wahdat-pasand tha is ghar men ya to tu raha ya bedili rahi us ne to yuñ hi ped banaya tha ret par miTTi vahaañ hazaar baras tak hari rahi

bacha ke aankh bichhad jaayein us se chupke se abhii to apni taraf dhyaan bhi ziyaada nahin

main to shab-e-firaq tha tum ek umr thii phir bhi ziyaada tum se guzaara gaya mujhe

kuchh is li.e bhi teri aarzoo nahin hai mujhe main chahta hooñ meraa ishq jaavedaani ho