mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

ek aawaaz ki jo mujh...ko bacha letii hai zindagi aakhri lamhon men manaa letii hai jis pe marti ho use mud ke nahin dekhti vo aur jise maarna ho yaar banaa letii hai

tumhaari aankhoñ ki tauheen hai zara socho tumhaara chaahne vaala sharaab peeta hai

toofaanon se aankh milaao sailaabon pe vaar karo mallaahon ka chakkar chhodo tair ke dariyaa paar karo

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

use to daulat-e-duniya bhi kam bhi paane ko miri to zaat ka mizaan bhi ziyaada nahin

us hijr pe tohmat ki jise vasl kii zid hous dard pe la'nat kii jo ashaar men aa jaa.e

dil bhi ajeeb khaana-e-wahdat-pasand tha is ghar men ya to tu raha ya bedili rahi us ne to yuñ hi ped banaya tha ret par miTTi vahaañ hazaar baras tak hari rahi

main to shab-e-firaq tha tum ek umr thii phir bhi ziyaada tum se guzaara gaya mujhe

ik roz khel khel men ham us ke ho ga.e aur phir tamaam umr kisi ke nahin hue