gulaab KHvaab davaa zahar jaam kya kya hai main aa gaya hooñ bataa intizaam kya kya hai

agar hai ishq saccha to nigaahon se bayaañ hogaa zabaan se bolna bhi kya koi izhaar hota hai

main chahta hooñ mohabbat meraa vo haal kare ki KHvaab men bhi dobara kabhi majaal na ho

poochte hain vo ki ghalib kaun hai koi batlaao ki ham batlaayein kya

ab main saare jahaan men hooñ badnaam ab bhi tum mujh...ko jaanti ho kya

phir na aaya khayal jannat ka jab tere ghar ka raasta dekha

tere jaane men aur aane men ham ne sadiyon ka fasla dekha

ishq hai ishq ye mazaak nahin chand lamhon men faisla na karo

aap kahte the ki rone se na badlenge naseeb umr bhar aap ki is baat ne rone na diya

zikr jab hogaa mohabbat men tabaahi ka kahii yaad ham aayenge duniya ko hawaalon ki tarah