hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

ye alag baat ki KHaamosh khade rahte hain phir bhi jo log bade hain vo bade rahte hain

naam pe ham qurbaan the us ke lekin phir ye taur huaus ko dekh ke ruk jaana bhi sab se badi qurbaani thii mujh se bichhad kar bhi vo ladki kitnii KHush KHush rahtii haius ladki ne mujh se bichhad kar mar jaane ki thaanii thii

koi itnaa pyaara kaise ho saka hai phir saare ka saara kaise ho saka hai tujhse jab milkar bhi udaasi kam nahin hoti tere baghair guzaara kaise ho saka hai

mat pooch ki kya haal hai meraa tere peeche tu dekh ki kya rang hai teraa mere aage

tere jaane men aur aane men ham ne sadiyon ka fasla dekha

zikr jab hogaa mohabbat men tabaahi ka kahii yaad ham aayenge duniya ko hawaalon ki tarah

aap kahte the ki rone se na badlenge naseeb umr bhar aap ki is baat ne rone na diya

ishq hai ishq ye mazaak nahin chand lamhon men faisla na karo

patthar ke KHuda patthar ke sanam patthar ke hi insaan paa.e hain tum shahr-e-mohabbat kahte ho ham jaan bacha kar aa.e hain