ab in jale hue jismoon pe KHud hi saaya karo tumhein kaha tha bataa kar qareeb aaya karo main uske baad mahinon udaas rehta hooñ mazaak men bhi mujhe haath mat lagaaya karo

mile kisi se gire jis bhi jaal par mere dost main us..ko chhod chuka uske haal par mere dost zameen par sabka muqaddar to mere jaisa nahin kisi ke saath to hogaa vo call par mere dost

main agar apni jawaani ke suna doon qisse ye jo launde hain mere paanv dabane lag jaa.e

kyuuñ darein zindagi men kya hogaa kuchh na hogaa to tajurba hogaa

baat hi kab kisi ki maani hai apni hath poori kar ke chhodogi ye kalaaee ye jism aur ye kamar tum suraahi zaroor toḍogi

zulm ke qisse sunaaye jab kabhi tafseer se KHoon dheere se utar aaya mirii tasveer se main zameen se yuñ lipt kar ro nahin saktaa faqat aasmaañ ne baandh rakkha hai mujhe zanjeer se

yuñ takht-gaah se rab ka tabaadla dekha isi bina pe farishton men fasla dekha

saazishein hazaar kar tu maut se lada mujhe ai mire aziz ek martaba haraa mujhe muskuraate din ke sukh se ab mujhe hai kya garz tu udaas shaam kii vo siskiyaan gina mujhe

ye ki meraa aasmaañ jo aa gaya nazar tumhein baarishen sikha rahi hain ik naya hunar tumhein

meri hi tarah ban kar ke dekh liya tu ne ye log tujhe bhi ab ahbaab nahin kahte