tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham vo hain jo KHuda ko bhool ga.e tum meri jaan kis gumaan men ho

meri tanhaaii dekhenge to hairat hi karenge log mohabbat chhod denge ya mohabbat hi karenge log

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

mujh ko bhi unhin men se koi ek samajh le kuchh masale hote hain na jo hal nahin hote

ghairon se to fursat tumhein din raat nahin hai haan mere li.e waqt-e-mulaqaat nahin hai

naala-e-bulbul-e-shaida to suna hañs hañs kar ab jigar thaam ke baitho mirii baari aayi

bhaanp hi lenge ishaara sar-e-mahfil jo kiya tadne waale qayamat ki nazar rakhte hain

dost dil rakhne ko karte hain bahaane kya kya roz jhooti khabar-e-wasl suna jaate hain

jo dost hain vo maangte hain sulh ki dua dushman ye chahte hain ki aapas men jang ho