koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

ye mujhe chain kyun nahin padta ek hi shaKHs tha jahaan men kya

us kii nazar badlne se pahle kii baat hai main aasmaan par tha sitaara zameen par

na vo haseen na main khoob-roo magar ik saath hamen jo dekh le vo dekhta hi rah jaa.e

us ne baarish men bhi khidki khol ke dekha nahin bheegne waalon ko kal kya kya pareshaani hui

vo intiqaam kii aatish thii mere seene men mila na koii to khud ko pachaad aaya hooñ

aagaah main charaaghh jalate hi ho gaya duniya mire hisaab se badh kar kharaab hai