shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

jo duniya ko sunaai de use kahte hain khaamoshi jo aankhoñ men dikhaai de use toofaan kahte hain

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

hai husuul-e-aarzuu ka raaz tark-e-aarzoo maine duniya chhod dii to mil gaii duniya mujhe

ab kya bataaun main tire milne se kya mila irfaan-e-gham hua mujhe apna pata mila

duniya hai KHvaab haasil-e-duniya khayal hai insaan KHvaab dekh raha hai khayal men

dil kii bisaat kya thii nigaah-e-jamaal men ik aaina tha toot gaya dekh-bhaal men

maazi-e-marhoom kii naakaamiyon ka zikr chhod zindagi kii fursat-e-baaqi se koii kaam le