ye alag baat ki main chhod chuka kooza-gari tere jaise to main miTTi ke banaa saka hooñ

teri gali ko chhod ke paagal nahin gaya rassi to jal gaii hai magar bal nahin gaya majnoon ki tarah chhodaa nahin main ne shahar ko ya'ni main hijr kaatne jungle nahin gaya

shor ki is bheed men KHaamosh tanhaaii si tum zindagi hai dhoop to mad-mast purvaai si tum chahe mehfil men rahoon chahe akelaa men rahoon goonjti rahtii ho mujh men shokh shehnai si tum

bichhad gaya hooñ magar yaad karta rehta hooñ kitaab chhod chuka hooñ padhaai jaarii hai

toofaanon se aankh milaao sailaabon pe vaar karo mallaahon ka chakkar chhodo tair ke dariyaa paar karo

dil kii bisaat kya thii nigaah-e-jamaal men ik aaina tha toot gaya dekh-bhaal men

hai husuul-e-aarzuu ka raaz tark-e-aarzoo maine duniya chhod dii to mil gaii duniya mujhe

duniya hai KHvaab haasil-e-duniya khayal hai insaan KHvaab dekh raha hai khayal men

umr-e-daraaz maang ke laai thii chaar din do aarzoo men kat ga.e do intizaar men

ab kya bataaun main tire milne se kya mila irfaan-e-gham hua mujhe apna pata mila