raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

nayi nayi aañkhen hon to har manzar achha lagta hai kuchh din shahar men ghu men lekin ab ghar achha lagta hai

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga

mujhe azaad kar do ek din sab sach bataa kar tumhaare aur uske darmiyaañ kya chal raha hai

udaasi ka sabab do chaar gham hote to kah deta fulaan ko bhool baitha hooñ fulaan kii yaad aati hai

hai husuul-e-aarzuu ka raaz tark-e-aarzoo maine duniya chhod dii to mil gaii duniya mujhe

duniya hai KHvaab haasil-e-duniya khayal hai insaan KHvaab dekh raha hai khayal men

ab kya bataaun main tire milne se kya mila irfaan-e-gham hua mujhe apna pata mila

dil kii bisaat kya thii nigaah-e-jamaal men ik aaina tha toot gaya dekh-bhaal men

maazi-e-marhoom kii naakaamiyon ka zikr chhod zindagi kii fursat-e-baaqi se koii kaam le