tumhaare paanv qasam se bahut hi pyaare hain KHuda kare mere bacchon ki in men jannat ho

bheegin palken dekh kar tu kyun ruka hai KHush hooñ main vo to meri aankh men kuchh aa gaya hai KHush hooñ main vo kisi ke saath KHush tha kitne dukkh ki baat thii ab mere pahluu men aa kar ro raha hai KHush hooñ main

main agar apni jawaani ke suna doon qisse ye jo launde hain mere paanv dabane lag jaa.e

bahut mushkil hai koi yuñ watan ki jaan ho jaa.e tumhein faila diya jaa.e to hindustan ho jaa.e

aaj ik aur baras beet gaya us ke baghair jis ke hote hue hote the zamaane mere

zara si aankh karne hai ha men band bahut mushkil nahin marna hamaara

KHvaab ke aas paas rah rah kar thak gaya hooñ udaas rah rah kar

apne honton se kaho phool ko choomen har roz jab mere lab nahin honge to sahoolat hogii

ik roz ik nadi ke kinaare milenge ham ik doosre se apna pata poochte hue

kitnii mushkil ke baad toota hai ek rishta kabhi jo tha hi nahin