sochun to saari umr mohabbat men kat gaii dekhooñ to ek shaKHs bhi meraa nahin hua

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

paron ko khol zamaana udaan dekhta hai zameen pe baith ke kya aasmaan dekhta hai

muddatein guzar gayi hisaab nahin kiyana jaane ab kiske kitne rah ga.e ham

makaan hai qabr jise log KHud banaate hain main apne ghar men hooñ ya main kisi mazaar men hooñ

ham bhi muneer ab duniyaadaari kar ke vaqt guzaarenge hote hote jeene ke bhi laakh bahaane aa jaate hain

ham bhi ghar se muneer tab nikle baat apnon kii jab sahi na gaii

mohabbat ab nahin hogii ye kuchh din baad men hogii guzar jaayenge jab ye din ye un kii yaad men hogii

KHvaab hote hain dekhne ke li.e un men ja kar magar raha na karo