nahin lagega use dekh kar magar KHush hai main KHush nahin hooñ magar dekh kar lagega nahin

main saansen tak luta saktaa hooñ uske ek ishaare par magar vo mere har vaade ko sarkaari samajhta hai

vo nahin meraa magar us se mohabbat hai to hai ye agar rasmon rivaajon se baghaavat hai to hai

kabhi jo KHvaab tha vo pa liya hai magar jo kho gaii vo cheez kya thii

us ke chehre ki chamak ke saamne saada laga aasmaañ pe chaand poora tha magar aadha laga

vo khaar khaar hai shaakh-e-gulaab kii maanind main zakhm zakhm hooñ phir bhi gale lagaaun use

ham tere shauq men yuñ KHud ko ganwa baithe hain jaise bacche kisi tyaohar men gum ho jaayen

ham dohri aziyyat ke giriftaar. musafir paanv bhi hain shal shauq-e-safar bhi nahin jaata

ab zameen par koi gautam na mohammad na maseeh aasmaanon se naye log utaare jaayen

awaaz de ke chhup gaii har baar zindagi ham aise saada-dil the ki har baar aa ga.e