ham vo hain jo KHuda ko bhool ga.e tum meri jaan kis gumaan men ho

bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

muhabbat bhi museebat hai karen kya magar apni zaroorat hai karen kya ham usse bach ke chalna chahte hain magar vo KHoob-soorat hai karen kya

main to is vaaste chup hooñ ki tamasha na bane tu samajhta hai mujhe tujhse gilaa kuchh bhi nahin

dushmani kar magar usool ke saath mujh par itni si meherbaani ho mere men'yaar ka taqaza hai meraa dushman bhi khaandaani ho