baat karo roothe yaaron se sannaaton se dar jaate hain pyaar akelaa jee leta hai dost akelaa mar jaate hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

use kisi se mohabbat thii aur vo main nahin tha ye baat mujhse zyaada use rulaati thii

safar men aakhiri patthar ke baad aayega mazaa to yaar december ke baad aayega

kuchh nahin hai zindagi barbaad hai ab to mar gaya hooñ main muhabbat ko manaane men kaise bhi gar ho sake mujh...ko rihaa kar de rah nahin saktaa main ab is qaidkhaane men

jee bhar gaya hai ab to jee bhar chaahne waalon se bhaag raha hooñ main bhi mujhse bhaagne waalon se

tumhein jab waqt mil jaa.e chale aanaa kabhi milne ubhar aayi hain kuchh baatein vahii sab baat karne hain tiri aankhoñ men rahkar phir naye kuchh din ugaane hain tiri agar tale vo kuchh puraani raat karne hain

isi KHaatir tujhe milta nahin main aajkal akshar mujhe maaloom hai ye man tira bhar jaayega mujhse

zakhm taari hai saans bhari hai is tarah zindagi guzaari hai mujhpe haavi hai jaise tanhaaii aur halki sii be-qaraari hai