use kisi se mohabbat thii aur vo main nahin tha ye baat mujhse zyaada use rulaati thii

maana ki teri deed ke qaabil nahin hooñ main tu miraa shauq dekh miraa intizaar dekh

vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

gulaab KHvaab davaa zahar jaam kya kya hai main aa gaya hooñ bataa intizaam kya kya hai

ik hunar hai jo kar gaya hooñ main sab ke dil se utar gaya hooñ main

sab ke shaanon pe ek chehra tha jin pe soorat banii hui thii meri

ek din meri KHaamushi ne mujhe lafz ki ot se ishaara kiya

kis shafqat men gundhe hue maula maa baap diye kaisi pyaari roohon ko meri aulaad kiya

maa ki dua na baap ki shafqat ka saaya hai aaj apne saath apna janam din manaaya hai

uthaaye firta raha main bahut mohabbat ko phir ek din yoonhi socha ye kya museebat hai