maana ki teri deed ke qaabil nahin hooñ main tu miraa shauq dekh miraa intizaar dekh

use kisi se mohabbat thii aur vo main nahin tha ye baat mujhse zyaada use rulaati thii

gulaab KHvaab davaa zahar jaam kya kya hai main aa gaya hooñ bataa intizaam kya kya hai

vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

kyun hijr ke shikwe karta hai kyun dard ke rone rota hai ab ishq kiya to sabr bhi kar is men to yahii kuchh hota hai

ilaahi ek gham-e-rozgaar kya kam tha ki ishq bhej diya jaan-e-mubtala ke li.e

but-kade se chale ho kaabe ko kya milega tumhein KHuda ke siva

nahin itaab-e-zamaana khitaab ke qaabil tira javaab yahii hai ki muskuraaye ja

rang badla yaar ne vo pyaar ki baatein gaiin vo mulaqaatein gaiin vo chaandni raatein gaiin