pahle uski khushboo maine KHud par taari ki phir maine us phool se milne ki taiyaari ki itnaa dukh tha mujh...ko tere laut ke jaane ka maine ghar ke darwaazon se bhi munh maari ki

ye kis ne baagh se us shaKHs ko bula liya hai parind ud ga.e pedon ne munh banaa liya hai use pata tha main choone men vaqt leta hooñ so us ne vasl ka doraaniya badha liya hai

laja kar sharm kha kar muskuraa kar diya bosa magar munh ko banaa kar

phir chahe to na aanaa o aan baan waale jhoota hi wa'ada kar le sacchi zabaan waale

munh lagaate hi hont par tere pad gaya naqsh laal bose ka

dosto kya kya diwali men nashaat-o-aish hai sab muhayya hai jo is hangaam ke shaayaan hai shay

hai dasahre men bhi yuñ gar farhat-o-zeenat nazeer par diwali bhi ajab paakeeza-tar tyaohar hai

main hooñ patang-e-kaaghazi dor hai us ke haath men chaaha idhar ghatta diya chaaha udhar badha diya

chali aati hai ab to har kahii bazaar ki raakhi sunhari sabz resham zard aur gulnaar ki raakhi

jab phaagun rang jhamkate hon tab dekh bahaarein holi ki aur daf ke shor khadkate hon tab dekh bahaarein holi ki