tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi ko ghar se nikalte hi mil gaii manzil koi hamaari tarah umr bhar safar men raha

shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

dosto kya kya diwali men nashaat-o-aish hai sab muhayya hai jo is hangaam ke shaayaan hai shay

munh zard-o-aah-e-sard o lab-e-khushk o chashm-e-tar sacchi jo dil-lagi hai to kya kya gawaah hai

bazaar gali aur koochon men ghul shor machaaya holi ne dil shaad kiya aur moh liya ye jauban paaya holi ne

din jal dii jal dii chaltaa ho tab dekh bahaarein jaade ki aur paala barf pighlata ho tab dekh bahaarein jaade ki

jab phaagun rang jhamkate hon tab dekh bahaarein holi ki aur daf ke shor khadkate hon tab dekh bahaarein holi ki