koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

teri soorat se hai aalam men bahaaron ko sabaat teri aankhoñ ke siva duniya men rakha kya hai

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

use kaho jo bulaata hai gehre paani men kinaare se bandhi kashtii ka mas'ala samjhe

mujhe laga tha vo toote phoolon ka gham karega aur us ne taaza utha li.e hain kharaab rakh kar

ye nahin dekhte kitnii hai riyaazat kis kii log aasaan samajh lete hain aasaani ko

meri khwaahish hai ki tujhe phoolon se fatah karoon varna ye kaam to talwaar bhi kar sakti hai

jab sar-e-shaam pajeeraai-e-fan hoti hai shaahzaa dii ko kaneezon se jalan hoti hai le to aaya hooñ tujhe gher ke apni jaanib aage insaan ki apni bhi lagan hoti hai