tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

murli chhooti shank baja raas tajaa phir yuddh saja kya peeche kya aage hai sab kuchh radhe radhe hai

main kya kahooñ ke mujhe sabr kyun nahin aata main kya karoon ke tujhe dekhne ki aadat hai

mat pooch ki kya haal hai meraa tere peeche tu dekh ki kya rang hai teraa mere aage

haath khaali hai tere shahar se jaate jaate jaan hoti to meri jaan lutate jaate

tasveer ik jala ke bujhaata raha hooñ main uske hi paas laut ke jaata raha hooñ main ye na-tamaam KHvaab haqeeqat hon kis tarah har pal to apni neend udaata raha hooñ main

apni aadat hai agar hona to bas ek dil ka kehne waale isi aadat ko vafaa kahte hain

kisi ki manzilon ka aks banke bhi to dekh kisi ko raasta hokar guzar bhi jaane de

tanhaaii ho hijr ho baatein karne ko tarse ye dil ishq hua vo jis men ye haalaat musalsal rahte hon

b-manzil par hooñ magar ye makaan manzil nahin lagta safar ko bhi mira ab koi mustaqbil nahin lagta