ab lagta hai theek kaha tha ghalib ne badhte-badhte dard davaa ho jaata hai

agar hai ishq saccha to nigaahon se bayaañ hogaa zabaan se bolna bhi kya koi izhaar hota hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

milaate ho usii ko khaak men jo dil se milta hai meri jaañ chaahne vaala badi mushkil se milta hai

vaa'da jhoota kar liya chaliye tasalli ho gaii hai zaraa sii baat khush karna dil-e-naashaad ka

raha na dil men vo bedard aur dard raha muqeem kaun hua hai maqaam kis ka tha

haath rakh kar jo vo pooche dil-e-betaab ka haal ho bhi aaraam to kah doon mujhe aaraam nahin

KHuda rakhe mohabbat ne ki.e aabaad dono ghar main un ke dil men rehta hooñ vo mere dil men rahte hain