tumhaare paanv qasam se bahut hi pyaare hain KHuda kare mere bacchon ki in men jannat ho

vo jhooth bol raha tha bade saleeqe se main etibaar na karta to aur kya karta

bheegin palken dekh kar tu kyun ruka hai KHush hooñ main vo to meri aankh men kuchh aa gaya hai KHush hooñ main vo kisi ke saath KHush tha kitne dukkh ki baat thii ab mere pahluu men aa kar ro raha hai KHush hooñ main

ujaale apni yaadon ke hamaare saath rahne dona jaane kis gali men zindagi ki shaam ho jaa.e

vo be-vafa hai to kya mat kaho bura us..ko ki jo hua so hua KHush rakhe KHuda us..ko

ghairon se to fursat tumhein din raat nahin hai haan mere li.e waqt-e-mulaqaat nahin hai

naala-e-bulbul-e-shaida to suna hañs hañs kar ab jigar thaam ke baitho mirii baari aayi

bhaanp hi lenge ishaara sar-e-mahfil jo kiya tadne waale qayamat ki nazar rakhte hain

aap to munh fer kar kahte hain aane ke li.e vasl ka vaa'da zaraa aañkhen mila kar keejie

mohabbat ko chhu paa.e laakh koi chhup nahin sakti ye vo afsaana hai jo be-kahe mashhoor hota hai