hamesha thandi ho jaati thii chaai baaton baaton men vo baatein jo in aankhoñ se kiya karte the ham dono

mujh ko na dil pasand na vo be-vafa pasand dono hain khud-gharz mujhe dono hain na-pasand

ye kaam dono taraf hua hai use bhi aadat padi hai meri

meer saahib zamaana naazuk hai dono haathon se thaamiye dastaar

KHuda rakhe mohabbat ne ki.e aabaad dono ghar main un ke dil men rehta hooñ vo mere dil men rahte hain

but-kade se chale ho kaabe ko kya milega tumhein KHuda ke siva

saari duniya ko hai galat-fahmi mujh pe tu mehrbaan hai pyaare

kyun hijr ke shikwe karta hai kyun dard ke rone rota hai ab ishq kiya to sabr bhi kar is men to yahii kuchh hota hai

ilaahi ek gham-e-rozgaar kya kam tha ki ishq bhej diya jaan-e-mubtala ke li.e

tasavvur men bhi ab vo be-naqaab aate nahin mujh tak qayamat aa chuki hai log kahte hain shabaab aaya