tumhaari aankhoñ ki tauheen hai zara socho tumhaara chaahne vaala sharaab peeta hai

tumhaare naam ki har ladki se mila hooñ main tumhaara naam faqat tum pe achha lagta hai

koi shahar tha jiski ek gali meri har aahat pahchaanti thii mere naam ka ik darwaaza tha ik khidki mujh...ko jaanti thii

apni mutthi men chhupa kar kisi jugnoo kii tarah ham tere naam ko chupke se padha karte hain

log toot jaate hain ek ghar banaane men tum taras nahin khaate bastiyaan jalane men

main badan ko dard ke malboos pahnaata raha rooh tak phaili hui milti hai ur yaanii mujhe

galiyon kii udaasi poochhti hai ghar ka sannaata kahtaa hai is shahar ka har rahne vaala kyun doosre shahar men rehta hai

ab ik teer bhi ho liya saath warna parinda chala tha safar par akelaa

har saal kii aakhiri shaamon men do chaar varq ud jaate hain ab aur na bikhre rishton kii bosida kitaab to achha ho

mire diye ne andhere se dosti kar li mujhe tu apne ujaale men jaanta hai to aa