koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hazaaron saal nargis apni be-noori pe roti hai badi mushkil se hota hai chaman men deeda-war paida

aaj ik aur baras beet gaya us ke baghair jis ke hote hue hote the zamaane mere

bheegin palken dekh kar tu kyun ruka hai KHush hooñ main vo to meri aankh men kuchh aa gaya hai KHush hooñ main vo kisi ke saath KHush tha kitne dukkh ki baat thii ab mere pahluu men aa kar ro raha hai KHush hooñ main

tumhaare paanv qasam se bahut hi pyaare hain KHuda kare mere bacchon ki in men jannat ho

ye kaisa jaadu tune kar diya hai mujhpe meri jaañ kisi ko bhi main dekhooñ chehra teraa yaad aata hai

phone tum karti rahogi main uthaaunga nahin ishq ab bhi hai mujhe lekin bataaunga nahin

vo laakh tha bura duniya ki nazar men par usne bura kabhi bhi hamaara nahin kiya

yaad tumko bhi bahut aayenge ham be-sabab jis roz mar jaayenge ham

ki socha ho gaya beemaar to poochhenge sab lekin hua beemaar jab main to nahin poocha kisi ne bhi