bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

maana ki teri deed ke qaabil nahin hooñ main tu miraa shauq dekh miraa intizaar dekh

le de ke apne paas faqat ik nazar to hai kyun dekhen zindagi ko kisi ki nazar se ham

apna pata mile na khabar yaar kii mile dushman ko bhi na aisi saza pyaar kii mile un ko KHuda mile hai KHuda kii jinhen talash mujh ko bas ik jhalak mere dildaar kii mile

jo ik KHuda nahin milta to itnaa maatam kyun yahaañ to koi mira ham-zabaan nahin milta

ek zakham aisa na khaaya ki bahaar aa jaati daar tak le ke gaya shauq-e-shahaadat mujh ko

gurbat ki thandi chaanv men yaad aayi us ki dhoop qadr-e-watan hui ha men tark-e-watan ke baad

gar doobna hi apna muqaddar hai to suno doobenge ham zaroor magar nakhuda ke saath