meri duniya ujad gaii is men tum ise haadsa samjhte ho aakhiri raasta to baaki hai aakhiri raasta samjhte ho

ye shahar-e-ajnabi men ab kise ja kar bataayen ham kahaan ke rahne waale hain kahaan ki yaad aati hai

vo dulhan ban ke ruksat ho gaii hai kahaan tak car ka peecha karoge

main choomta hooñ to vo haath kheench leta hai use pata hai ye seedhi kahaan pe jaani hai

unke gesu khulen to yaar bane baat meri ik rabar band ne jakadi hui hai raat meri

Vo toot te hue rishton ka husn e aakhir tha

zaraa chhua tha ki bas ped aa giraa mujh par kahaan khabar thii ki andar se khokhla hai bahut

main hooñ aur waada-e-farda teraa aur ik umr padi ho jaise

vo ek aks ki pal bhar nazar men thehra tha tamaam umr ka ab silsila hai mere li.e

tu koii gham hai to dil men jagah banaa apni tu ik sadaa hai to ehsaas kii kamaan se nikal