koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

roz milne pe bhi lagta tha ki jug beet ga.e ishq men vaqt ka ehsaas nahin rehta hai

yaar sab jama hue raat ki khaamoshi men koi ro kar to koi baal banaa kar aaya

ye paani KHaamushi se bah raha hai ise dekhen ki is men doob jaayen

ham apni dhoop men baithe hain mushtaaq hamaare saath hai saaya hamaara

main bahut KHush tha kaddi dhoop ke sannaate men kyun teri yaad ka baadal mere sar par aaya