shaakhon se toot jaayen vo patte nahin hain ham aandhi se koi kah de ki auqaat men rahe

le de ke apne paas faqat ik nazar to hai kyun dekhen zindagi ko kisi ki nazar se ham

pyaar ka pehla khat likhne men vaqt to lagta hai naye parindon ko udne men vaqt to lagta hai

itni milti hai mirii ghazalon se soorat teri log tujh ko mira mahboob samjhte honge

maut ka ek din muayyan hai neend kyun raat bhar nahin aati

ye taaeron ki qataarein kidhar ko jaati hainna koi daam bichha hai kahii na daana hai

parind ped se parvaaz karte jaate hain ki bastiyon ka muqaddar badalta jaata hai

dekhne ke li.e saara aalam bhi kam chaahne ke li.e ek chehra bahut