tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

kisi gali men kiraye pe ghar liya usne phir us gali men gharo ke kiraye badhne lage

us dhoke ne tod diya hai itnaa mujh ko ab kuchh bhi samjha letii hai duniya mujh ko

jitni chahe pee lo lekin dhyaan rahe tum ko ghar pahunchaane waale achchhe hon

bahut janaaze the raaste men qadam bhi ham gin na paa.e apne

vahaañ eed kya vahaañ deed kya jahaan chaand raat na aayi ho

shaam se chat par ghum raha hooñ ek diye ke aage-peeche